Ég hef sjálfur margoft mótmælt, bæði mannréttindabrotum og einnig umhverfisspjöllum. Vissulega má deila um gildi þeirra aðgerða sem “saving iceland” hópurinn grípur til en mér finnst mótmælin réttlætanleg og við ættum að hlusta aðeins á boðskap þeirra. Allt of margir hlusta ekki á boðskapinn, en eru alltaf til í að hrauna yfir þau. Það má heldur ekki gleyma því að ekki er um eiginleg samtök að ræða, það er enginn “leiðtogi” í hópnum, heldur er meirihlutinn látinn ráða.

Svo eru svona fullyrðingar eins og þínar “kip” ekki til neins, þekkurðu eitthvað þetta fólk? Sjálfur þekki ég fjölmarga, bæði íslendinga og einnig erlent fólk, til dæmiss, reka tveir íslendinganna kaffihús á laugarveginum og sýnist mér þeir því EKKI lifa á ríkinu!!! Ekki skjóta ykkur í höfuðið, nema þið séuð viss um að hitta!

Óskar á vísir.is

Óskar á Vísir.is

Mér blöskrar bara þetta misgáfaða fólk sem er að tala um að mótmælendur séu auðnuleysingar, aumingjar og lifa á kerfinu.
Er svo erfitt að hugsa út í að venjuleg manneskja sé gera eitthvað sem angar ekki af sjálfselsku. Gera eitthvað fyrir okkur öll og seinna meir börnin okkar.
Til að kommenta á “auðnuleysingar, aumingjar og lifa á kerfinu” þá veit ég til að einn “aðal-mótmælandinn” er lærður hjúkrunarfræðingur.
Svona gargandi vitleysingar fara svo í taugarnar á mér!

Anna á Vísir.is

Hér er afar athyglisverð fréttatilkynning frá Saving Iceland um mál sem ættu að koma okkur íslendingum við.

Hlynur Hallsson

Margir sem blogga um upptátæki Saving Iceland hópsins tala um þá sem iðjuleysingja eða atvinnuleysingja. Það er furðuleg ályktun í ljósi þess að SI virðast hafa ærið nóg fyrir stafni þessa dagana. Á hverjum degi berast fréttir af aðgerðum þeirra og uppátækjum. Af hverju er ekki talað um bloggara á sama hátt? Þeir hafa skoðanir á öllu mögulegu á milli himins og jarðar en gera ekkert annað en að láta ljós sitt skína á blogginu. Þeir ættu kannski að taka sér SI til fyrirmyndar og reyna að ná rassinum upp úr stólnum til að framkvæma eitthvað og hætta að nöldra yfir framtakssemi annarra.

Svo eru aðrir sem vilja láta reka þetta lið úr landi strax. Væri þá ekki tilvalið að láta sömu reglur gilda um ölvaða Íslendinga á Benidorm og víðar þar sem þeir eru engum öðrum til ánægju og yndisauka og hafa hvorki markmið né tilgang með framferði sínu.

Sigurður Hr. Sigurðsson á mbl.is

Sudur á Vísir.is

Pálmi Gunnarsson á mbl.is

Það væri áhugavert ef einhver fjölmiðill kynnti sér málið og fengi stjórnendur Alcans hér á landi og annarra álfyrirtækja sem starfa hér til að tjá sig um málið t.d. hvort þeir hafi vitneskju um meint tengsl milli fyrirtækisins og vopnaframleiðslu – eða mannréttindabrota. Hvað segja trúnaðarmenn þessara fyrirtækja?

Að fjölmiðlamenn heyrðu í bæjarfulltrúum sveitarfélaga sem keppa um möguleg álver og virkjanir. Könnuðu hvort það skipti einhverju máli fyrir þá hvernig fyrirtækin hafi hagað sér á alþjóðlega vísu upp á afstöðu þeirra til þess að fá viðkomandi fyrirtæki í sveitarfélagið eða ei?

Valgerður Halldórsdóttir á mbl.is

Sudur á vísir.is