Velkomin á vefsíðu Saving Iceland! Ef þú ert hér í fyrsta skipti þá getur þú byrjað á að lesa Grípum til aðgerða!, einnig Ákall Saving Iceland og Um okkur. Í Íslandi ógnað er farið yfir öræfin sem við verðum að reyna að vernda fyrir græðgi stóriðju- og orkufyrirtækjanna sem starfa markvisst að því að eyðileggja íslenska náttúru. Þú getur líka horft á myndbönd og skoðað myndir frá starfi okkar í gegnum árin og lesið á ensku tímarit okkar Voices of the Wilderness. Og síðast, en ekki síst, fengið Svör við algengum spurningum um Saving Iceland.
Hér er komin hin ágætasta heimasíða. En ég verð sennilega seint sammála ykkar skoðunum og aðferðum. Ég ætla að leyfa mér að hafa aðra skoðun á nýtingu landsins gæða og mér finnast reyndar þessar hugmyndir ykkar um okkur sem vilja nýta þá möguleika sem eru fyrir hendi frekar nöturlegar. Ég er nú reyndar bara þessi venjulegi vísitölupabbi sem er að ströglast við að eiga til hnífs og skeiðar og kannski aðeins rúmlega það þá á seinni árum. Mér finnst að þið eigið rétt á ykkar skoðunum og megið að sjálfsögðu láta þær í ljós á þann veg sem ykkur hentar en ekki samt falla þá gryfju að virða ekki skoðanir annarra sem eru ykkur ekki sammála. Og ekki heldur ganga það langt að allar framkvæmdir sem gætu orðið okkur íslendingum til hagsbóta í framtíðinni séu ómögulegar. Andri Snær er ágætur rithöfundur en hann er samt ekki alvitur og bókin hans er ekki biblía sem heil þjóð á að leggja til grundvallar þegar verið að ákveða framíðina. Framtíðin verður alltaf málamiðlun og það er eitthvað sem ykkar ungu samtök eiga eftir að læra í framtíðnni. Enda fá mál oftast farsælan endi með samræðum á skynsamlegum nótum
Já ég er eiginlega sammála síðasta ræðumanni með að síðan ykkar lítur vel út og þið eruð að standa ykkur vel þar.
En ég var að velta fyrir mér þessari „ráðstefnu“ ykkar þar sem þið ætlið að kveða niður þann draug að álframleiðsla sé græn. Er þá ekki nauðsynlegt að hafa einhverja fyrirlesara sem eru sérfræðingar um málefnið og eru óhlutdrægir og geta metið stöðuna án þess að leggja tilfinningalegt mat á hana. Andri Snær er eflaust frábær maður og góður á sínu sviði en er hann ekki íslenskufræðingur og rithöfundur. Hvar eru hagfræðingarnir og verkfræðingarnir væri ekki gáfulegra að hafa svoleiðis menn og konur sem fyrirlesara þannig að hægt væri að taka mark á þessari ráðstefnu vegna þess að núna virðist þetta vera áróðursstefna sem þið eruð í raun að berjast gegn.
Gott væri einnig ef þið mynduð benda á aðrar arðbærar lausnir í atvinnumálum í dreifbýlinu. Vegna þess að því miður þá bitna ykkar aðgerðir mest á fólkinu sem vinnur á þessum stöðum og er bara að reyna skapa sér og sínum fjölskyldum sæmilegt líf.
Með þessum orðum þá þakka ég fyrir vona að ég fái einhver gáfuleg svör en ekki skítkast eins stundum hefur gerst.
Stefán,
Andri Snær kemur fram vegna þess að hann hefur mjög mikla þekkingu á áliðnaðinum, t.d. tengslum hans við hergagnaiðnað og stríðsrekstur. Hann veit einnig mikið um hvernig áróðursstarfsemi fyrirtækjanna virkar fleira í slíkum dúr.
Auk hans verður á fyrirlestrinum indverskur rithöfundur og aktívisti, Samarendra Das, sem er partur af baráttu gegn eyðileggingu landsvæðins innfæddra í Orissa héraðinu á Indlandi. Í tengslum við báxít-gröft fyrir álframleiðslu, eiga sér stað út um allan heim menningarleg þjóðarmorð. Samfélögum er skipt upp, frumstæðri menningu er útrýmt og fólk missir lönd sín og lifibrauð. Allt fyrir álframleiðslu!
Tilgangurinn með þessum fyrirlestri er að heyra þessar sögur, í tilfelli Samarendra… beint frá þeim sem standa í baráttunni hinu megin á hnettinum. Tilgangurinn er að fræðast um þessa hlið álframleiðslunnar, sem við heyrum yfirleitt afskaplega lítið um.
Fyrirlesturinn á alls ekki að vera hlutlaus… eflaust má kalla hann áróður, en hann byggist á sönnum sögum. Hvernig gæti einhver sagt okkur frá menningarlegum þjóðarmorðum í þriðja heiminum án þess að taka afstöðu?
Verkfræðingar og hagfræðingar hafa eflaust margt um álframleiðslu að segja, en líklegast ættu þeir betur heima á ráðstefnu um fjárhagslega hlið áliðnaðarins; hvort hún sé í raun þess virði að framkvæma, hvaða áhrif hún hefur á íslenskt samfélag og svo frv. Ráðstefnan okkar er bara ekki um það! Hins vegar hafa aðrir hópar fjallað um það, t.d. Framtíðarlandið í nýlegri skýrslu um stjóriðju og atvinnulífið á Íslandi.
Okkar fyrirlestur fjallar um blóðugu hlið álframleiðslunnar og vekur því upp spurninguna: Getur álframleiðsla verið hrein?
Svo…
Vel má vera að það vanti lausnir í atvinnumálum á landsbyggðinni en… er hægt að taka bara við hverju sem er? Ef við vitum að álframleiðsla er hættuleg og eyðileggjandi, getum við þá bara tekið henni fagnandi? Er nóg að hún gefi OKKUR atvinnu? Þurfum við ekki að líta á hnattrænu áhrifin líka?
Ef ekki, getum við þá ekki allt eins reist hér vopnaverksmiðjur, barnknúnar fataverksmiðjur og þrælabúðir? Hvar liggja mörkin?
Þið eruð svo vitlaus, mótmælið álverum og notið álstultur til að mótmæla LOL
Mér finnst nú frekar leinlegt að lesa bæði comment á islensku og ensku sem snúast að þessum mótmælum og fólk er að drulla yfir skoðanir annara og finst mér það hægt að gera það á betri máta. Mega í það minsta vera málefnalegar en hvað um það…….
Mér finnst þessi samtök alveg eiga rétt á sér og styð þeirra afstöðu alveg heilshugar en aftur á mót hefur þetta því miður engin áhrif vegna þess að ríkistjórnin sem er kosin af okkur er einfaldlega ólæknandi stóriðjugrísir, því miður.
Ég held að við íslendingar vöknum upp við vondan draum einn góðan veðurdag þegar hálendi íslands verður eitt stórt stöðuvatn og heimsækjum vatnajökull og fleira á bátum.
Eða janvel að við lendum í því að þurfa að sá melgresi í hlómskálgrðinum vegna sandefoks í hvert skipti sem það blæs ofan af fjöllum. (gróf dæmi)
Tek ofan fyrir þessu fólki sem stendur í þessu og það þarf alltaf einhverja til að tala í móti og þakka ég þeim fyrir það, þar sem ég þori því ekki sjálfur vegna starfs míns.
En rétt er það að við höfum úr litlu að moða á þessari blessaðri eyju okkar þannig að það verður að sjálfsögðu að vera störf í landinu og ef þið sem haldið þessar mötmælum út eruð með töfralausn á því þá skal ég koma undir nafni og ganga í þessi samtök ykkar, en aldrei kem ég til með að klifara upp í krana vegan mikillar lofthræðslu.
P.s. Björn ertu að þakka fyrir yfirvinnuna sem þú fékkst út á mótmælin með því að kalla þau hálfvita, hummm hver er þá virkilega hálfviti…………
Ýmind íslands versnar ekki við þessi mótmæli, hún kemst ekki neðar. hún skánar vegna þess að heimurinn sér þá kanski að það eru eknhverjir íslendingar að reyna að gera eithvað.
Með bestu kveðju
TH
Véltæknifræðingur